ABŞ PREZİDENTİ TÜRKİYƏNİN YAXIN ŞƏRQ SİYASƏTİNDƏN MƏMNUNLUĞUNU İFADƏ ETMİŞDİR
Rəcəb Tayyib Ərdoğan və Corc Buş iki ölkə arasında strateji əməkdaşlıq sənədinin imzalanmasından məmnun olduqlarını ifadə etmişlər. Türkiyə hökumətinin başçısı Birləşmiş Ştatlar Prezidentinə Livanın Baş naziri Fuat Sinyora və Suriyanın dövlət başçısı Bəşar Əsədlə apardığı danışıqlar barədə məlumat vermişdir. Hizbullah təşkilatının hərəkətləri üzündən İsrailin hücumlarının Livanın qanuni hökumətini süquta uğradacağını diqqətə çatdıran Rəcəb Tayyib Ərdoğan, Corc Buşdan tez bir zamanda atəşkəs əldə olunması və dinc əhaliyə humanitar yardım göstərilməsi üçün dəhliz açılması istiqamətində səy göstərməsini xahiş etmişdir.
Corc Buş, öz növbəsində, Livana humanitar yardım dəhlizinin təmin olunması üçün göstəriş verəcəyini bildirmişdir. O, Yaxın Şərqdə problemlərin həllinə göstərdiyi yardıma görə Türkiyə hökumətinə təşəkkür edərək, Ərdoğana “bölgədə güclü bir liderlik nümayiş etdirirsiniz” demişdir.
Tərəflər beynəlxalq terrorizmə qarşı mübarizə məsələlərini də müzakirə etmiş, İraqın şimalında fəaliyyət göstərən terrorçuların zərərsizləşdirilməsi ilə bağlı fikir mübadiləsi aparmışlar.
Bölmənin digər xəbərləri
