ABŞ SİLAHLI QÜVVƏLƏRİ İRAQDAKI HƏRBİ ƏMƏLİYYATLARDA 853 NƏFƏR HƏRBÇİ İTİRMİŞDİR
AZƏRTAC-ın İTAR-TASS agentliyindən aldığı xəbərdə deyilir ki, ABŞ Silahlı Qüvvələri İraqda 2003-cü il martın 20-dən bəri gedən hərbi əməliyyatlarda 853 əsgər və zabit itirmişdir. Pentaqonun verdiyi məlumata görə, onların 632 nəfəri hərbi toqquşmalarda öldürülmüş, qalanları isə bədbəxt hadisələr nəticəsində həlak olmuşdur. 5,4 min Amerika hərbçisi yaralanmışdır.
Koalisiya qüvvələrinin tərkibinə daxil olan digər ölkələrin hərbi bölmələri də itkilər vermişlər. Böyük Britaniyanın hərbi komandanlığı 59 əsgər və zabitinin həlak olduğunu bildirmişdir. İtaliya 18, İspaniya 8, Bolqarıstan və Polşa hərəsi 6, Ukrayna 4, Slovakiya 3, Tailand 2, Niderland, Danimarka, Macarıstan, Latviya, Estoniya və Salvador isə hərəyə 1 hərbi qulluqçu itirmişdir.
Bölmənin digər xəbərləri
