ABŞ VƏ LİVİYA 24 İLDƏN SONRA DİPLOMATİK MÜNASİBƏTLƏRİ BƏRPA ETMİŞLƏR

29.06.2004 [15:54]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, iyunun 28-də ABŞ və Liviya 24 illik fasilədən sonra rəsmi diplomatik münasibətləri bərpa etmişlər. ABŞ-ın Tripolidə yenidən yaradılmış diplomatik nümayəndəliyinin bəyanatında deyilir ki, Birləşmiş Ştatların Yaxın Şərq üzrə səlahiyyətli təmsilçisi Uilyam Berns onun açılışında iştirak etmişdir.

Liviya da ABŞ-da nümayəndəliyini açmaq niyyətindədir. ABŞ Dövlət Departamentinin terrorizmlə mübarizə bölməsinin başçısı Kofer Blek ilə birlikdə Tripoliyə gəlmiş Uilyam Berns Liviyanın lideri Müəmmər Qəzzafi ilə görüşmüş və Prezident Corc Buşun məktubunu ona çatdırmışdır.

Liviya 1988-ci ildə Lokerbidə (Şotlandiya) sərnişin təyyarəsinin vurulmasında təqsirini 2003-cü ildə etiraf etmişdir. Həmin hadisə zamanı 270 nəfər həlak olmuşdu. 2003-cü ilin dekabrında Qəzzafi kütləvi qırğın silahının hazırlanması proqramını dayandırdığını elan etmişdir. 2004-cü ildə ABŞ Liviyaya qarşı 1986-cı ildən tətbiq edilən iqtisadi sanksiyaları götürmüşdür. Beləliklə, ABŞ şirkətləri Liviyada kommersiya fəaliyyətlərini bəpa etdirmək və bu Şimali Afrika ölkəsindən neft ixracına başlamaq imkanı qazanmışlar. Bundan əlavə, Liviyanın enerji ehtiyatlarının kəşfiyyatına və hasilatına sərmayə qoyan xarici firmalar da ABŞ tərəfindən cəza tədbirlərinə məruz qalmaqdan qorxmaya bilərlər.

ABŞ VƏ LİVİYA 24 İLDƏN SONRA DİPLOMATİK MÜNASİBƏTLƏRİ BƏRPA ETMİŞLƏR

MÜƏLLİFLƏ ƏLAQƏ

Bölmənin digər xəbərləri