ADİU-da Xocalı faciəsi qurbanlarının xatirəsi anılıb
Bakı, 23 fevral, AZƏRTAC
Fevralın 23-də Azərbaycan Dövlət İqtisad Universitetində (ADİU) “Xocalı faciəsi XX əsrin ən dəhşətli soyqırımıdır” mövzusunda tədbir keçirilib.
Universitetdən AZƏRTAC-a bildiriblər ki, əvvəlcə Xocalıda gedən ağır döyüşlərdə həlak olanların və faciə qurbanlarının xatirəsi yad edilib.
Tədbirdə “Xocalıya ədalət!” beynəlxalq kampaniyası çərçivəsində görülən işlərdən danışılıb. Bu fəaliyyət nəticəsində bir sıra dövlətlərin parlamentləri tərəfindən Xocalı hadisələrinin rəsmi şəkildə soyqırımı kimi tanınmasına və Ermənistanın Azərbaycana qarşı təcavüzünün qəbul edilməsinə nail olunduğu vurğulanıb.
Çıxış edənlər şəhidlərin qanının yerdə qalmayacağına, erməni quldurları tərəfindən işğal olunmuş torpaqlarımızın tezliklə geri qaytarılacağına əminliklərini bildiriblər.
Bölmənin digər xəbərləri
