AFFA FUTZAL ÜZRƏ YIĞMA KOMANDANI MÜKAFATLANDIRMIŞDIR
AZƏRTAC AFFA-ya istinadən xəbər verir ki, martın 4-də qurumun inzibati binasında futzal üzrə Azərbaycan yığmasının üzvləri mükafatlandırılmışlar. Assosiasiya rəhbərliyi dünya çempionatının seçmə mərhələ oyunlarında göstərdiyi əzmkarlığa və qazanılan 2 qələbəyə görə komanda üzvlərini təbrik etmişdir.
AFFA prezidentinin səlahiyyətlərini icra edən Elşad Nəsirov, Milli Məclisin deputatı Rauf Əliyev bütün görüşlərdə yüksək ustalıq nümayiş etdirən futzalçılarımıza qarşıdakı məsul yarışlarda uğurlar arzulamışlar. Milli komandanın baş məşqçisi Andrey Yudin isə göstərilən diqqət və qayğıya görə komanda adından AFFA rəhbərliyinə minnətdarlığını bildirmişdir.
Xatırladaq ki, Çexiyanın Xrudim şəhərində keçirilən futzal üzrə dünya çempionatının seçmə mərhələsində Ermənistan (9:1) və Finlandiya (4:2) yığmalarına qalib gələn Azərbaycan millisi, meydan sahibləri ilə keçirilmiş sonuncu görüşdə 3:2 hesabı ilə məğlub olaraq qrupda ikinci yeri tutmuşdu.
Bölmənin digər xəbərləri
