Ağcabədi taxılçıları qısa vaxtda 4 min hektardan çox sahədə biçin aparıblar
Ağcabədi, 13 iyun, AZƏRTAC
Ağcabədi rayonunun taxılçıları biçini davam etdirirlər. Artıq 4160 hektar arpa sahəsində biçin aparılıb, 15 min 233 ton məhsul əldə edilib. Hər hektarın orta məhsuldarlığı sahələrində 36,6 sentnerdir. Taxıl biçininə 50 kombayn cəlb edilib.
Ağcabədi Dövlət Aqrar İnkişaf Mərkəzinin (DAİM) bitkiçilik sektorunun baş mütəxəssisi Ramiz Quluzadə AZƏRTAC-ın bölgə müxbirinə bildirib ki, torpaq mülkiyyətçiləri bu il 33 min 983,9 hektar sahədə taxıl bitkiləri becəriblər. Onun 20 min 637,7 hektarı buğda, 13 min 346,2 hektarı arpadır. Düzgün aqrotexniki qulluq sayəsində zəmilərdə bol məhsul yetişib.
Qeyd edək ki, Ağcabədi rayonu respublikanın 100 min tondan çox taxıl istehsal edən rayonları sırasındadır. Ötən il rayon taxılçıları 32 min 662,1 hektar taxıl sahəsindən 144 min 860 ton məhsul əldə ediblər. Hər hektarın məhsuldarlığı orta hesabla 44,4 sentner olub.
Bölmənin digər xəbərləri
