AĞCABƏDİDƏ NÖVBƏTİ AĞACƏKMƏ AKSİYASI KEÇİRİLMİŞDİR
Ağcabədi, 27 aprel (AZƏRTAC). “Ekologiya ili” çərçivəsində Ağcabədi rayonunda növbəti ağacəkmə aksiyası keçirilmişdir.
Rayon icra hakimiyyətindən bildirmişlər ki, əmək kollektivlərinin nümayəndələri, rayon sakinləri ekoloji mühitin sağlamlaşdırılması məqsədi ilə keçirilən tədbirdə fəal iştirak etmişlər. İməcilik zamanı magistral yolların kənarında 1500 ədəd şam, sərv, xan çinarı və digər növ ağaclar əkilmiş, həmçinin şəhərin küçələrində, idarə və müəssisələrin ətrafında, parklarda abadlıq-təmizlik işləri görülmüşdür.
Tədbirlər planına əsasən rayonda ağacəkmə kampaniyası zamanı indiyədək 50 mindən çox ağac əkilmişdir.
Bölmənin digər xəbərləri
