Ağdamda universal döyüş üzrə beynəlxalq turnirə 300-dək idmançı qatılacaq
Bakı, 2 aprel, AZƏRTAC
Aprelin 5-dən 8-dək Ağdamın Quzanlı qəsəbəsində Olimpiya İdman Kompleksinin zalında ümummilli lider Heydər Əliyevin anadan olmasının 95-ci ildönümünə həsr olunmuş universal döyüş üzrə ənənəvi beynəlxalq turnir keçiriləcək.
Azərbaycan Universal Döyüş Federasiyasının prezidenti, Beynəlxalq Universal Döyüş Federasiyasının vitse-prezidenti Azər Həsənov AZƏRTAC-a bildirib ki, yarışda 10 dövlətdən 300-dək idmançı iştirak edəcək.
Yeniyetmə, gənclər və böyüklər arasında keçiriləcək yarışda ölkəmizi yığma komandanın üzvləri, eləcə də region idmançıları təmsil edəcəklər. Turnirin açılış mərasimi aprelin 6-da baş tutacaq.
Bölmənin digər xəbərləri
