Ağdaş, 20 dekabr, AZƏRTAC

Ağdaş rayonunda payızlıq taxıl əkin kampaniyası başa çatıb, gələn ilin məhsulu üçün 26 min 105 hektar sahədə səpin aparılıb.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, səpin aparılan sahələrin 3640 hektarı buğda, qalanı isə arpadır. Əkində yerli şəraitə uyğun sertifikatlı toxumlardan istifadə olunub. Rayonun əksər ərazilərində, xüsusilə daha çox taxıl əkilən Ərəbocaq, Pirkəkə, Yuxarı Nemətabad, Aşağı Ləki kəndlərində səpin kampaniyası daha mütəşəkkil aparılıb.

Hazırda taxıl sahələrinin birinci suvarılması davam edir və işlər yekunlaşmaq üzrədir. Artıq 14 min 993 hektarda suvarma işləri görülüb.