AĞDAŞDA HEYVANDARLIQ İNKİŞAF EDİR
Rayon icra hakimiyyətindən AZƏRTAC-ın müxbirinə bildirmişlər ki, ötən ilin müvafiq dövrünə nisbətən qaramalın sayı 3776 baş artaraq 64249 başa, davarın sayı 4584 baş çoxalaraq 80320 başa çatmışdır.
Heyvandarlıq məhsullarının istehsalı da artmışdır. Belə ki, altı ayda ət istehsalı 42875 ton (ötən ilin müvafiq dövründəkindən 416 ton çox), süd istehsalı 13228 ton (artım 261 ton), yumurta istehsalı 4 milyon 628 min ədəd (artım 223 min ədəd) təşkil etmişdir.
Yarım ildə rayonda orta bazar qiymətləri ilə 13 milyon 763 min manatlıq (AZN) heyvandarlıq məhsulları istehsal olunmuşdur. Bu, keçən ilin birinci yarısındakından 1 milyon 536 min manatlıq çoxdur.
Bölmənin digər xəbərləri
