Ağdaşda karantin qaydalarına əməl etməyən koronavirus xəstəsi aşkarlanıb
Bakı, 9 dekabr, AZƏRTAC
Ağdaş Rayon Polis Şöbəsinin əməkdaşlarının keçirdikləri növbəti tədbir nəticəsində ev şəraitində müalicə alan koronavirus xəstəsinin yaşadığı ünvanı tərk etdiyi müəyyən olunub.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, COVID-19 virusunun daşıyıcısı olan şəhər sakini Sabir Əliyev ev şəraitində müalicə almasına baxmayaraq, karantin qaydalarını kobud şəkildə pozaraq yaşadığı ünvanı tərk edib. Polislər tərəfindən onun şəhər ərazisində olduğu yer müəyyənləşdirilib və tibbi prosedurlar da gözlənilməklə yaşadığı ünvana qaytarılıb. S.Əliyev barəsində Ağdaş rayon Polis Şöbəsində araşdırma aparılır.
Evdə müalicəyə cəlb olunan aktiv koronavirus xəstələrindən sanitar-karantin qaydalarına əməl edərək müalicə müddəti bitənədək mənzilləri tərk etməmək bir daha tələb olunur. Əks təqdirdə, həmin şəxslər polis əməkdaşları tərəfindən məsuliyyətə cəlb ediləcəklər.
Bölmənin digər xəbərləri
