“airBaltic”in sərnişinlərinin sayı 7 dəfə azalıb
Riqa, 9 fevral, AZƏRTAC
Latviya milli aviaşirkəti “airBaltic” 2021-ci ilin yanvar ayında 44,4 min sərnişin daşıyıb ki, bu da ötən ilin müvafiq dövrü ilə müqayisədə 86 faiz azdır (311 min sərnişin).
AZƏRTAC ölkə mətbuatına istinadla xəbər verir ki, “airBaltic” yanvarda 900 uçuş həyata keçirdiyi halda, ötən il bu göstərici 4529-a bərabər olub.
Şirkətin icraçı direktoru Martin Hauss bildirib: “Məlum pandemiya ilə əlaqədar hava nəqliyyatına olan tələbatın aşağı düşməsinə baxmayaraq, hazırda xüsusi səbəblərdən aviadaşımalara ehtiyacı olan sərnişinlər üçün Avropanın ən iri işgüzar və tranzit mərkəzləri və Baltikyanı ölkələrlə hava nəqliyyatını əvvəlki kimi davam etdiririk”.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
