“Akkuyu” AES-in ikinci blokunun təməli qoyulub
Ankara, 27 iyun, AZƏRTAC
Türkiyənin Mersin bölgəsində inşa olunan “Akkuyu” Atom Elektrik Stansiyasının (AES) ikinci blokunun təməli qoyulub. Milli kadrların AES-in tikintisinə cəlb olunması davam edir.
AZƏRTAC Türkiyənin Enerji və Təbii Sərvətlər Nazirliyinə istinadla xəbər verir ki, bu barədə nazir Fatih Dönmez deyib. Nazirin sözlərinə görə, birinci blokun istifadəyə verilməsi 2023-cü ilə nəzərdə tutulub. Tikinti planlaşdırılan qrafik üzrə həyata keçirilir. Atom energetikası və bu sahəyə aid tikintilər üzrə təhsil almaq üçün Rusiyaya göndərilən türkiyəli tələbələrdən 143-ü artıq geri qayıdaraq AES-in inşasında fəaliyyətə başlayıb. Qarşıdakı iki il ərzində daha 102 tələbənin məzun kimi AES-in işinə cəlb ediləcəyi nəzərdə tutulub.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
