Aleksandar Vuçiç Belqradı bütün münaqişə tərəflərinə dialoq yeri kimi təklif edib
Belqrad, 25 sentyabr, AZƏRTAC
Mən Belqradı dünya münaqişələrində dialoq yeri kimi təklif edirəm.
AZƏRTAC xəbər verir ki, bunu Serbiya Prezidenti Aleksandar Vuçiç Nyu-Yorkda BMT Baş Assambleyasının 80-ci sessiyasındakı çıxışında deyib.
O, ölkəsinin müstəqil və azad qalmağa davam edəcəyini bildirib: “Serbiya müstəqilliyini qoruyacaq və firavan gələcəyin qurulmasına qətiyyətlə diqqət yetirərək öz dövlətçiliyinin və ənənəsinin gücü ilə beynəlxalq çağırışların öhdəsindən gələcək”.
Aleksandar Vuçiç vurğulayıb ki, Serbiyanın xarici siyasətinin dördüncü prinsipi BMT-nin qlobal sabitliyin sütunu olaraq qalmasıdır.
“Birləşmiş Millətlər Təşkilatının islahatı sadəcə institusional vəzifə deyil, qlobal sülhü və ədaləti qorumaq öhdəliyidir. Biz çoxtərəfliliyi təmin etmək, təşkilatımızı daha səmərəli və üzv dövlətlərin ehtiyaclarına daha yaxın etmək üçün Birləşmiş Millətlər Təşkilatında islahatların aparılması və BMT sistemini canlandırmağın zəruriliyini bilirik”, - deyə Serbiya Prezidenti bildirib.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
