ALEKSANDR KVASNEVSKİ BMT-NİN BAŞ KATİBİ SEÇİLMƏK İSTƏYİR

31.10.2005 [21:49]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Polşa Prezidenti Aleksandr Kvasnevski bildirmişdir ki, BMT-nin baş katibi vəzifəsini tutmağa hazırdır. O, İtaliyanın “Korryere della sera” qəzetinə müsahibəsində demişdir: ”Təhlükəsizlik Şurasının üzvləri onlara daha çox kimin – diplomatın, yaxud siyasətçinin lazım olduğunu həll etməlidirlər. Birinci halda mən münasib adam deyiləm, ikinci halda isə mənim təcrübəmdən istifadə oluna bilər”.

10 il Polşa prezidenti olmuş Aleksandr Kvasnevskinin səlahiyyətləri bu il dekabrın 23-də başa çatır. Bu ilin əvvəllərində o, karyerasını BMT-də davam etdirmək niyyətində olmadığını bildirmişdi, lakin indi mövqeyini dəyişmişdir. BMT baş katibinin seçkiləri 2006-cı ilin axırlarında keçiriləcəkdir. İlkin razılaşmaya görə, bu vəzifəni Asiya nümayəndəsi tutmalıdır, lakin Asiya ölkələri ümumi namizəd barədə razılığa gələ bilmirlər. Ona görə də dünyanın başqa hissəsindən olan nümayəndənin baş katib seçiləcəyi istisna deyildir.

ALEKSANDR KVASNEVSKİ BMT-NİN BAŞ KATİBİ SEÇİLMƏK İSTƏYİR

MÜƏLLİFLƏ ƏLAQƏ

Bölmənin digər xəbərləri