ALMANİYA ƏFQANISTAN IQTISADIYYATININ DİRÇƏLDİLMƏSİNƏ 320 MİLYON AVRO YÖNƏLDƏCƏKDİR

ALMANİYA ƏFQANISTAN IQTISADIYYATININ
DİRÇƏLDİLMƏSİNƏ 320 MİLYON AVRO YÖNƏLDƏCƏKDİR

04.11.2004 [02:54]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, Almaniya Əfqanıstan iqtisadiyyatının dirçəldilməsinə 2008-ci ilədək 320 milyon avro yönəldəcəkdir. AFR-ın iqtisadi əməkdaşlıq və inkişaf məsələləri naziri xanım Haydemari Viçorek-Soyl bildirmişdir ki, Berlin iqtisadiyyatın, ali və orta təhsil, peşə təhsili sisteminin, səhiyyənin, su və enerji təchizatının bərpası məqsədilə hər il Kabilə 80 milyon avro məbləğində vəsait ayıracaqdır.

O, Həmid Kərzaini prezident seçkilərində inamlı qələbəsi münasibətilə təbrik edərək, onun qanuni yolla seçilmiş dövlət başçısı kimi ölkəsini demokratikləşmə, sabitlik və hüquqi cəmiyyət quruculuğu yolu ilə aparacağına əmin olduğunu bildirmişdir. Nazir demişdir: “Eyni zamanda, əfqanların yaşayış səviyyəsini yaxşılaşdırmaq lazımdır. Bu ölkənin hər bir sakini demokratiyanın bərqərar olması ilə güzəranının yaxşılaşdığını hiss etməlidir”.