Almaniya Litvada 4 min hərbçidən ibarət briqada yerləşdirəcək
Bakı, 3 oktyabr, AZƏRTAC
Almaniya Litvaya 4 min hərbçidən ibarət briqada göndərməyi planlaşdırır.
AZƏRTAC xəbər verir ki, bunu Almaniyanın müdafiə naziri Boris Pistorius ERR teleradio kompaniyasına müsahibəsində deyib.
“Briqadanın 2024-cü ilin sonunadək formalaşdırılması planlaşdırılır. Bu, həm Estoniya, həm də Almaniya üçün ciddi çağırışdır. Bundesver indiyə qədər ölkə xaricində bütöv briqada yerləşdirməyib”, - deyə Boris Pistorius bildirib. Onun sözlərinə görə, bunun üçün Litvada kazarmalar, anbarlar, poliqonlar, həmçinin mülki infrastruktur tikilməlidir.
Nazir, həmçinin Estoniyada döyüş sursatlarının istehsalı məsələsinin Almaniya hökumətində müzakirə olunduğunu deyib.
Boris Pistorius Almaniyanın müdafiə xərclərini artıraraq ümumdaxili məhsulun 2 faizinə çatdıracağını da qeyd edib.
Bölmənin digər xəbərləri
