ALMANİYADA 14,8 MİLYARD ALMAN MARKASI QANUNİ DÖVRİYYƏDƏDİR

31.10.2005 [16:01]
Çap et
A⁺ A^-

AZƏRTAC-ın xüsusi müxbiri xəbər verir ki, ümumavropa tədavül vasitəsi avronun dövriyyəyə buraxılmasından dörd il keçməsinə baxmayaraq, Almaniyada hələ də 14,8 milyard məbləğində alman markası avro ilə bərabər səviyyədə dövriyyədədir. Əhalinin üçdə iki hissəsi keçmiş bərəkətli alman markasını ehtiyatda saxlayır və dəyişməyə tələsmir. Son hesablamalara görə, ehtiyatda saxlanan və dəyişdirilməyən 14,8 milyard pul kütləsinin 55 faizini kağız pul əskinasları, 45 faizini isə metal sikkələr təşkil edir. Bu faktı Almaniya Federal Bankının (Deutsche Bundesbank) səlahiyyətli nümayəndəsi Frans Benedikt “Münchner Merkur” qəzetində dərc etdirdiyi rəsmi məlumatla təsdiq etmişdir.

Məlumatda bildirildiyi kimi, FORCA institutunun Almaniya əhalisi arasında apardığı sorğunun nəticələrinə görə, ölkə vətəndaşlarının yalnız 38 faizi avronun əmtəə-pul mübadiləsində üstünlüyünü qeyd etmişdir. Əhalinin 95 faizi avronun dövriyyəyə buraxıldıqdan sonra ölkəyə bahalıq və inflyasiya bəxş etməsindən şikayətlənmiş və ehtiyatda saxladıqları bərəkətli alman markasını avroya dəyişməyə tələsmədiyini bildirmişdir.

Xatırladaq ki, markanın avroya dəyişdirilməsi əməliyyatı könüllülük əsasında həyata keçirilir. Almaniya Federal Bankına, hökumətin qanunlarına əsasən, əhalidən keçmiş alman markasını, vətəndaşın arzusuna uyğun olaraq, tələb etdiyi məbləğdə istənilən vaxt geri alıb avroya dəyişmək səlahiyyəti verilmişdir.

ALMANİYADA 14,8 MİLYARD ALMAN MARKASI QANUNİ DÖVRİYYƏDƏDİR

MÜƏLLİFLƏ ƏLAQƏ

Bölmənin digər xəbərləri