Almaniyada daşqınlarla mübarizəyə 100 min işçi cəlb edilib
Bakı, 29 dekabr, AZƏRTAC
Almaniyanın şimal-qərbində yerləşən Aşağı Saksoniya federal vilayətinin hakimiyyət orqanları daşqınlarla mübarizə üçün müxtəlif xidmətlərdən 100 minə yaxın işçini səfərbər edib.
AZƏRTAC xəbər verir ki, Deutsche Presse-Agentur (DPA) agentliyi bu barədə regionun baş naziri Stefan Vayla istinadla məlumat yayıb.
Məlumata görə, bu, Aşağı Saksoniyada qeydə alınan ən güclü daşqındır. Xüsusən Celle, Oldenburg, Emsland, Osterholz, Heidekreis və Verden rayonlarında vəziyyət gərgin olaraq qalır.
Yerli hakimiyyət orqanları regiondakı çayların əksəriyyətində suyun səviyyəsinin maksimum həddi keçdiyini bildirir. Celle rayonunda bəzi küçələrdə suyun səviyyəsi 40-50 santimetrə çatdıqdan sonra rayon rəhbərliyi təhlükəsizlik məqsədilə elektrik enerjisi verilişini müvəqqəti olaraq dayandırıb.
Bölmənin digər xəbərləri
