Almaniyada ictimai nəqliyyat işçilərinin növbəti tətili başlayıb
Bakı, 5 mart, AZƏRTAC
Bu gün Almaniyanın qərbində yerləşən Şimali Reyn-Vestfaliya federal əyalətində ictimai nəqliyyat işçilərinin növbəti xəbərdarlıq tətili başlayıb.
AZƏRTAC “Welt” qəzetinə istinadla xəbər verir ki, həmkarlar ittifaqı Köln, Düsseldorf, Dortmund, Münster və Bielefeld şəhərlərində 30-a yaxın nəqliyyat şirkətinin işçilərini tətilə çağırıb. Xəbərdarlıq tətilinin iki gün - martın 5-dən 7-dək davam etməsi planlaşdırılır.
Tətil çağırışına ilk növbədə iş şəraiti ilə bağlı davam edən kollektiv danışıqlar səbəb olub.
Bölmənin digər xəbərləri
