Almaniyada müflisləşmə ilə əlaqədar müraciətlərin sayı artır
Bakı, 14 iyun, AZƏRTAC
Almaniyanın qeyri-sabit iqtisadiyyatı bir çox şirkətin müflisləşməsinə səbəb olmaqda davam edir.
AZƏRTAC Almaniyanın “Tagesschau” xəbər portalına istinadla xəbər verir ki, Almaniyanın Federal Statistika Bürosunun məlumatına görə, 2024-cü ilin birinci rübündə 5209 şirkət müflisləşmə haqqında ərizə verib, bu da 2023-cü ilin eyni dövrü ilə müqayisədə 26,5 faiz çoxdur.
Müflisləşmə hallarının əksəriyyəti nəqliyyat, tikinti sektorlarında qeydə alınıb.
Almaniyada çox böyük sayda şirkət pandemiya dövrü, enerjidaşıyıcılarına yüksək qiymətlər və faiz dərəcələrinin yaratdığı çətinliklərlə üzləşiblər. Bundan əlavə, imtiyazların qüvvədə olma müddəti bitib, dövlət onların vasitəsilə pandemiya dövründə müflisləşmə dalğasının qarşısını almağa cəhd edib.
IWH tədqiqat institutunun şöbə müdiri Şteffen Müllerin sözlərinə görə, şirkətlərin müflisləşməsi növbəti aylar ərzində COVID-19-a qədər qeydə alınmış səviyyədən yüksək qalacaq.
Bölmənin digər xəbərləri
