ALMANİYANIN UZUNÖMÜRLÜ VƏTƏNDAŞI 111 YAŞINDADIR
Herman Dönemanın 111 yaşı tamam olmuşdur.O, Düsseldorf şəhərində yaşayır, özü
özünə qulluq edir, gümrahdır, həyətyanı sahəsində təsərrüfat, gündəlik həyatında isə məişət işləri ilə sərbəst məşğul olur.Döneman hökumətin və mətbuatın onun 111 yaşı münasibətilə təşkil etmək istədiyi təmtəraqlı tədbirlərin keçirilməsinə öz etirazını bildirmiş, ad gününü 80 yaşlı qızı, nəvəsi və iki nəticəsi ilə birlikdə ailə çərçivəsində qeyd etmişdir. O, KİV-lərə yalnız onu bildirmişdir ki, 19-cu əsrin sonunda dünyaya göz açanda artıq çoxdan dünyasını dəyişmiş kayzer II Vilhelm gənc zabit imiş.
Uzunömrlü Döneman çox yaşamaq istəyənlərə belə bir "resept" də təklif etmişdir ki, idman gənclikdə insana sağlamlıq gətirsə də, onu atan idmançı tezliklə dünyasını dəyişir. Deməli, idman ölüm deməkdir.Onun fikrincə,çox yaşamaq istəyənlər təsərrüfat işlərində, məişətdə gündəlik işlərini mütəmadi olaraq yerinə yetirməli,siyasətdən uzaq gəzməli, gündəlik norma olaraq bir şüşə köhnə pivə və təbii vitamin kimi qaynadılmış kartofun həlimini içməlidirlər."Bu mənim idmanım və həyat eliksirimdir.Buna ciddi əməl etməklə mən hələ çox yaşamaq arzusundayam",-deyə 111 aşlı Döneman bildirmişdir.
