ALMATIDA REGİONLARARASI STANDARTLAŞDIRMA ASSOSİASİYASININ 12-Cİ İCLASI KEÇİRİLİR
Almatıda Regionlararası Standartlaşdırma Assosiasiyası (RSA) Baş Assambleyasının növbəti, 12-ci iclası keçirilir. Dövlət Standartlaşdırma və Metrologiya Mərkəzindən AZƏRTAC-a bildirmişlər ki, iclasda Azərbaycan, Türkiyə, Qazaxıstan, Özbəkistan, Tacikistan, Moldova, Monqolustan, Rusiya, habelə Şimali Kipr və Tatarıstan nümayəndə heyətləri iştirak edirlər.
İclasda standartlaşdırma və metrologiya sahəsində əməkdaşlıq məsələləri, habelə sertifikatlaşdırılmalı və markalanmalı məhsul və xidmətlərin iştirakçılar tərəfindən təsdiqlənəcək siyahısı nəzərdən keçirilir. RSA-nın son illərdəki fəaliyyətini və əməkdaşlığın perspektivlərini də müzakirə etmək nəzərdə tutulur.
Xatırladaq ki, RSA 1991-ci ildə Ankarada yaradılmışdır və hazırda 20-dək təşkilatı birləşdirir. O, əsasən, əmtəə və xidmət mübadiləsini asanlaşdırmaq üçün standartlaşdırmanın və onunla bağlı sahələrin inkişaf etdirilməsi ilə məşğul olur.
Bölmənin digər xəbərləri
