AMERİKALI MÜTƏXƏSSİSLƏR GÜRCÜ ƏSGƏRLƏRİNƏ TƏLİM KEÇİRLƏR
Döyüşçülər müasir taktiki elementləri də öyrənəcəklər. Batalyonun Tbilisi yaxınlığındakı “Krtsanisi” milli təlim mərkəzində hərbi təlimə başlaması mərasimində müdafiə naziri İrakli Okruaşvili, ABŞ-ın Gürcüstandakı səfiri Con Teft və digər rəsmi şəxslər iştirak etmişlər. C.Teft demişdir ki, bizim başlıca məqsədimiz gürcü döyüşcülərini İraqda sülhməramlı əməliyyatlarda iştirak etməyə hazırlamaqdır. İ.Okruaşvili proqramın davam etdirilməsini alqışlamış və bildirmişdir ki, bu proqram 4 ay öncə başa çatdırılmışdı. Lakin Gürcüstan Prezidentinin ABŞ-a səfəri zamanı onu davam etdirmək qərar alınmışdır.
Təlimlər üçün 30 milyon dollar ayrılmışdır.
Amerikalı təlimatçılar daha bir briqadanı hazırlayacaq və onlar İraqdakı 2-ci briqadanı əvəz edəcəklər. Ehtimal ki, rotasiya cari ilin oktyabr-noyabr aylarında həyata keçiriləcəkdir.
