Anar İsgəndərov: Heydər Əliyev bütün çətinliklərə baxmayaraq Azərbaycan dilini dövlət dili kimi rəsmiləşdirdi
Bakı, 28 avqust, AZƏRTAC
Azərbaycan tarixçiləri Ulu Öndər Heydər Əliyevin fəaliyyətini beş dövrə bölürlər. Təbii ki, bu dövrün birincisi xüsusi xidmət orqanları ilə bağlıdır. Bu dövrdə Heydər Əliyev Azərbaycan tarixinə özünə qədər heç kimə nəsib olmayan bir tarix gətirdi. Ümummilli Lider xüsusi xidmət orqanlarında işlədiyi dövrdə yüzlərlə azərbaycanlını bu orqana gətirdi və yüzlərlə azərbaycanlını sovet əzabından qurtara bildi.
AZƏRTAC xəbər verir ki, bunu Milli Məclisin deputatı Anar İsgəndərov avqustun 28-də keçirilən Ulu Öndərin 100 illiyinə həsr olunmuş “Heydər Əliyev, Böyük Lider” adlı beynəlxalq konfransda söyləyib.
“Heydər Əliyev bütün çətinliklərə baxmayaraq Azərbaycan dilini dövlət dili kimi rəsmiləşdirdi və bu da Ulu Öndərin Azərbaycan tarixində ən böyük fərqliliyi idi. Ümummilli Lider Heydər Əliyev bir daha göstərdi ki, bu xalqın dili Azərbaycan dilidir və Azərbaycan dili dövlət dili kimi təsis olunmalıdır”, - deyə deputat qeyd edib.
Bölmənin digər xəbərləri
