Ankarada Türkiyə-Bolqarıstan dostluğuna həsr olunan uşaq rəsm sərgisi açılıb
Ankara, 30 dekabr, AZƏRTAC
Bolqarıstan Teleqraf Agentliyinin (BTA) Türkiyənin paytaxtı Ankara şəhərindəki Mətbuat Klubunda “Boyalarla yaradılan körpü: Türkiyədən olan istedadlı uşaqlar Bolqarıstanı təsvir edir” adlı uşaq rəsm sərgisi açılıb.
AZƏRTAC xəbər verir ki, tədbirdə BTA-nın rəhbərliyi, Bolqarıstanın Ankaradakı səfirliyinin əməkdaşları, alimlər və hər iki ölkədən ictimaiyyət nümayəndələri iştirak ediblər.
BTA-nın baş direktoru Kiril Valçev tədbirin təşkilatçılarına, o cümlədən Nəsrəddin Hoca adına Elm və İncəsənət Mərkəzinə təşəkkür edib.
O, uşaq əsərlərinin müəlliflərinin iki xalq arasındakı dostluğa əhəmiyyətli töhfələr verəcəyinə əminliyini bildirib.
Sərginin açılışını simvolizə edən lent kəsilib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
