Anma mərasimində 20 Yanvar faciəsi ilə bağlı həqiqətlərdən bəhs edilib
Bakı, 19 yanvar, AZƏRTAC
Təhsil Problemləri İnstitutunda (TPİ) 20 Yanvar faciəsinin 26-cı ildönümünə həsr olunmuş anma mərasimi keçirilib.
TPİ-dən AZƏRTAC-a bildirilib ki, tədbirdə institutun direktoru Qulu Novruzov açaraq, 1988-1990-cı illərdə cərəyan edən tarixi hadisələrdən söz açıb. O, 20 Yanvar faciəsinin Azərbaycanda vüsət tapmış milli azadlıq hərəkatını boğmaq, demokratik və suveren bir dövlət yaratmaq amalı ilə ayağa qalxan xalqın inam və iradəsini qırmaq məqsədilə həyata keçirildiyini söyləyib.
Ümummilli lider Heydər Əliyevin yanvarın 21-də Azərbaycanın Moskvadakı daimi nümayəndəliyində bu dəhşətli hadisəyə münasibət bildirən kəskin bəyanatında Bakıda törədilən qırğınlara siyasi qiymət verilməsini, günahkarların cəzalandırılmasını tələb etməsi, Ulu Öndərin səyləri nəticəsində 20 Yanvar faciəsi barədə həqiqətlərin üzə çıxması, ölkəmizə qarşı həyata keçirilən təcavüzkar siyasətin bütün dünya qarşısında ifşa olunması xüsusi vurğulanıb.
Sonra “Qanlı Yanvar” bədii filmi nümayiş olunub.
Bölmənin digər xəbərləri
