Apellyasiya Arbitraj Tribunalı “Zirə” klubunun şikayətini qismən təmin edib
Bakı, 28 sentyabr, AZƏRTAC
Apellyasiya Arbitraj Tribunalı “Zirə” klubunun müraciətinə baxıb.
AZƏRTAC AFFA-nın rəsmi saytına istinadən xəbər verir ki, paytaxtı təmsilçisinin futbolçusu Pyer Zebli ilə bağlı şikayəti qismən təmin edilib.
Azərbaycan Premyer Liqasının VI turunun “Sumqayıt”la oyununda (1:0) ciddi qayda pozuntusuna görə birbaşa qırmızı vərəqə aldığı üçün İntizam Komitəsi tərəfindən 2 oyunluq cəzalandırılan yarımmüdafiəçi ilə bağlı qərar dəyişdirilib. İki oyunluq diskvalifikasiyanın çəkilməmiş hissəsi, yəni 1 oyunluq cəza şərti tətbiq edilib.
Şərti cəzanın çəkilməsinə görə 3 (üç) ay sınaq müddəti təyin olunub. Həmin müddətdə İntizam Məcəlləsi ilə nəzərdə tutulmuş hər hansı pozuntuya görə nəzərdə tutulmuş oyun cəzası sanksiyasının üzərinə əlavə ediləcək.
Kluba tətbiq olunmuş 1 500 manat məbləğində cərimə ilə bağlı qərar isə qüvvədə saxlanılıb.
Bölmənin digər xəbərləri
