Araz çayının Novruzlu məntəqəsində suyun səviyyəsi 20 santimetr artıb
Bakı, 18 mart, AZƏRTAC
Martın 18-də Böyük Qafqazın Quba-Xaçmaz bölgəsi çaylarında sululuq ongünlük normanın 120-160, Kiçik Qafqazın çaylarında 150-250, Lənkəran-Astara bölgəsi çaylarında isə 30-90 faizini təşkil edib.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, Kür çayının Qıraqkəsəmən məntəqəsində suyun səviyyəsində 3 santimetr azalma müşahidə olunub. Məntəqədə su sərfi saniyədə 242 kubmetr təşkil edib. Qanıx çayının Əyriçay məntəqəsində isə suyun səviyyəsində 3 santimetr artım qeydə alınıb. Bu məntəqədə su sərfi saniyədə 97 kubmetr olub. Kür çayının aşağı axınında da suyun səviyyəsinin əsasən artım müəyyən edilib. Araz çayının Novruzlu məntəqəsində isə suyun səviyyəsi 20 santimetr artıb.
Hazırda suyun səviyyəsi Kür çayının aşağı axınındakı məntəqələrdə - Surrada 451, Şirvanda 265, Salyanda 214, Bankədə 197, Novruzlu məntəqəsində isə 170 santimetrdir.
Bölmənin digər xəbərləri
