ARAZ ÇAYININ TARİXİ QOLUNUN BƏRPASI İSTİQAMƏTİNDƏ BƏNDBƏRKİTMƏ VƏ DİGƏR LAZIMİ İŞLƏR GÖRÜLÜR
İmişli, 28 may (AZƏRTAC). Araz çayının tarixi qolunun bərpası istiqamətində bəndbərkitmə və digər lazımı işlər görülür.
İmişli və Biləsuvar rayonlarını birləşdirən yolda körpü tikilir. Mayın 28-də keçirilən müşavirədən sonra dövlət komissiyasının üzvləri və digər rəsmi şəxslər həmin körpünün tikildiyi əraziyə gedərək burada görülən işlərlə tanış olmuşlar. Orada körpünün layihəsi təqdim olunmuşdur. Körpü ensiz olduğundan maşınların hərəkəti növbəli prinsip əsasında tənzimlənəcəkdir.
“Azəryolservis” Açıq Səhmdar Cəmiyyətinin sədri Cavid Qurbanovun verdiyi məlumata görə, bu körpü müvəqqətidir. Su buradan keçəndən sonra əsas körpünün tikintisi planlaşdırılır. Əsas körpünün hansı cür inşa olunacağı hələ müzakirə olunur və bu barədə qərar veriləcəkdir.
Bölmənin digər xəbərləri
