Arkadi Dvorkoviç: FIDE dünya çempionatında dələduzluğa qarşı mübarizədə ciddi tədbirlər görüb
Bakı, 29 dekabr, AZƏRTAC
Beynəlxalq Şahmat Federasiyası (FIDE) dələduzluq probleminə maksimum diqqətlə yanaşaraq rapid və blits üzrə dünya çempionatında ciddi tədbirlər görüb.
AZƏRTAC xəbər verir ki, bu fikirləri təşkilatın prezidenti Arkadi Dvorkoviç bildirib.
Cümə axşamı rusiyalı Anastasiya Bodnaruk və norveçli Maqnus Karlsen rapid üzrə turnirin qalibi olublar.
“Burada fırıldaqçılığa qarşı mübarizə üzrə ciddi tədbirlər görülür. Bizdə bir neçə nəfər turnirdə işləyir, həmin insanlar bu funksiyadan ötrü xüsusi olaraq ayrılıb. Söhbət texniki nəzarətdən (çərçivələr, skanerlər vasitəsilə aparılan) və tur zamanı oyunçuları proqramlar vasitəsilə müşahidə edən analitik nəzarətdən gedir. Biz maksimum diqqətlə hərəkət edirik”, - deyə Dvorkoviç bildirib.
Blits üzrə dünya çempionatı dekabrın 30-da başa çatacaq.
Bölmənin digər xəbərləri
