ARKTİKA BUZLARININ SAHƏSİ SÜRƏTLƏ AZALIR

19.09.2006 [17:23]
Çap et
A⁺ A^-

AZƏRTAC xarici KİV-lərə istinadla xəbər verir ki, Amerikanın NASA kosmik agentliyinin peyki Arktikanın buz örtüyündə məyusedici dəyişikliklər qeydə almışdır. 2004-cü ildən 2005-ci ilədək olan dövrdə, adətən, yay temperaturlarına davam gətirən çoxillik buzun həcmi 14 faiz azalmışdır. Bütövlükdə buzlaqlar 720000 kvadratkilometr azalmışdır ki, bu da Pakistanın və ya Türkiyənin ərazisinə bərabərdir.

Tədqiqatçılar ehtiyat edirlər ki, buz örtüyünün bundan sonra da azalması okean sularının istiləşməsinə gətirib çıxara bilər, bu isə, öz növbəsində, mövsümi buzların əriməsini sürətləndirər və payızda buz örtüyünün yaranmasını çətinləşdirər. Buzun yoxluğu ucundan Şimal Buzlu okeanının səthi tündləşər və günəş enerjisini udar, buna görə də qarşısıalınmaz qlobal iqlim dəyişiklikləri gözlənildiyindən xeyli tez baş verə bilər.

ARKTİKA BUZLARININ SAHƏSİ SÜRƏTLƏ AZALIR

MÜƏLLİFLƏ ƏLAQƏ

Bölmənin digər xəbərləri