Arzu Cəlilova: Doğma meydanda qızıl medal qazandığım üçün xoşbəxtəm
Bakı, 25 aprel, AZƏRTAC
Mən çox xoşbəxtəm. Doğma meydanda qızıl medal qazandığım üçün böyük qürur hissi keçirirəm. Bizim üzərimizdə böyük məsuliyyət var idi. Azarkeşlərin dəstəyi həyəcanın öhdəsindən gəlməyə çox kömək etdi.
Bunu AZƏRTAC-a açıqlamasında azərbaycanlı gimnast, "AGF Junior Trophy" beynəlxalq turnirinin lentlə hərəkətlər üzrə qızıl medal mükafatçısı Arzu Cəlilova deyib.
Turnirin yüksək səviyyədə təşkilinə görə Azərbaycan Gimnastika Federasiyasına və göstərdiyi dəstək üçün bütün Azərbaycan xalqına təşəkkürünü bildirən A.Cəlilova qeyd edib ki, indi əsas hədəf Avropa Çempionatının qızıl medalını qazanmaqdır.
Bölmənin digər xəbərləri
