“Asiya-Avropa dəhlizində Azərbaycanın rolu” mövzusunda vebinar təşkil olunub
Bakı, 1 mart, AZƏRTAC
Hüquq və Arbitraj Haaqa Mərkəzi (HCLA) və Yaponiyanın Doşişa Universitetinin Qlobal Araşdırmalar Məktəbinin təşkilatçılığı ilə "Asiya - Avropa dəhlizində Azərbaycanın rolu" mövzusunda vebinar keçirilib.
Azərbaycanda İxracın və İnvestisiyaların Təşviqi Fondundan (AZPROMO) AZƏRTAC-a bildirilib ki, vebinarda AZPROMO-nun prezidenti vəzifələrini icra edən Yusif Abdullayev "Azərbaycanda investisiya mühiti və biznes imkanları" mövzusunda təqdimatla çıxış edib, ölkəmizdə qeyri-neft sektorunun inkişafı, biznes mühitinin davamlı olaraq yaxşılaşdırılması və xarici investisiyaların təşviqi istiqamətində görülən işlər barədə məlumat verib.
Tədbir sual-cavab sessiyası ilə davam edib, müzakirələr aparılıb.
Bölmənin digər xəbərləri
