AŞQABAD QIZILGÜLLƏR ŞƏHƏRİNƏ ÇEVRİLƏCƏK
AZƏRTAC-ın Aşqabaddan aldığı xəbərə görə, Türkmənistan paytaxtının meri Amangəldi Rəcəbovun sərəncamı ilə bu ilin yaz-payız mövsümündə şəhərdə altı milyon qızılgül kolu əkiləcəkdir. Şəhərin altı rayonunun hər birinin hakimliyinə inzibati və yaşayış binalarının ətrafında 1 milyon qızılgül kolu əkmək həvalə olunmuşdur. Bu qərar Türkmənistan Prezidentinin paytaxtı çiçəkli bağa çevirmək çağırışı ilə bağlıdır. Merin elə həmin sərəncamı ilə şəhərdə ağac və kolları oğurlayanları cəzalandırmaq da nəzərdə tutulmuşdur. Belə ki, bir ağac və ya kol oğurlayan adam öz hesabına əldə etdiyi 10 ağac və ya kol əkməlidir.
Bölmənin digər xəbərləri
