ASTARA VƏ LƏNKƏRAN RAYONLARINDA “SİP” TİPLİ KABELLƏRİN ÇƏKİLİŞİNƏ BAŞLANMIŞDIR
AZƏRTAC-ın müxbiri xəbər verir ki, əhalini fasiləsiz elektrik enerjisi ilə təmin etmək üçün Astara və Lənkəran rayonlarında “SİP” tipli kabellərin çəkilişinə başlanmışdır. Rayonlarda yeni kabellərin çəkilişi ilə yanaşı, mənzillərin sayğaclaşdırılması da davam etdirilir. Bu məqsədlə “Azərenerji” Səhmdar Cəmiyyəti rayonları lazımi avadanlıq və texnika ilə təmin etmişdir.
Qeyd edək ki, “SİP” kabelləri elektrik enerjisi təchizatının etibarlılığını təmin etməklə yanaşı, enerji itkisini azaldır, abonentlərin sayğaclara müdaxiləsinin qarşısını alır.
Rayon mərkəzlərində kabellərin çəkilişi iki ay müddətinə, mənzillərin sayğaclaşdırılması isə bu ilin sonunadək başa çatdırılacaqdır.
