ATATÜRKÜN YUBİLEYİNƏ HƏSR OLUNMUŞ TƏDBİR KEÇİRİLMİŞDİR
Ümummilli liderimiz, müdrik dövlət xadimi Heydər Əliyevin və ulu öndər Mustafa Kamal Atatürkün əziz xatirələri yad olunmuş, Azərbaycanın və Türkiyənin dövlət himnləri səsləndirilmişdir.
Qafqaz Universitetinin rektoru, professor Əhməd Saniç Türkiyə Cümhuriyyətinin yaradılmasında və möhkəmlənməsində qüdrətli şəxsiyyət Mustafa Kamal Atatürkün tarixi rolundan danışmışdır.
Digər natiqlər də Atatürkün zəngin həyat və fəaliyyətindən, siyasi irsinin əhəmiyyətindən bəhs etmiş, işıqlı ideyalarının daim yaşayacağını vurğulamışlar.
Tədbirdə vətənpərvərlik mövzularında şeirlər səslənmiş, Atatürkün həyat və fəaliyyətinin ayrı-ayrı məqamlarını əks etdirən sənədli filmlər nümayiş etdirilmişdir.
Bölmənin digər xəbərləri
