Avropa çempionatı: Azərbaycanın U-17 yığmasının seçmə mərhələ üçün heyəti açıqlanıb

28.09.2023 [16:18]
Çap et
A⁺ A^-

Bakı, 28 sentyabr, AZƏRTAC

17 yaşadək qızlardan ibarət Azərbaycan milli komandasının UEFA Millətlər Liqası formatında təşkil olunan Avropa çempionatının seçmə mərhələ oyunları üçün heyəti açıqlanıb.

AZƏRTAC AFFA-nın rəsmi saytına istinadən xəbər verir ki, baş məşqçi Nərgiz Qurbanova 20 oyunçuya dəvət göndərib.

Yığmanın heyəti: Nərgiz Ağalıyeva, Arzu Cəfərova, Arzu Ağalıyeva, Ella Əmirova, Natella Məmmədova (hamısı “Baku Sportinq”), Vahidə Əlipaşayeva, Ülviyyə İslamova, Bədriyyə Mövludova, Yelizaveta Vaysman (hamısı “İnter Xaçmaz”), Aygün Novruzova, Xanım Əsədova, Adelina Ağayeva, Günay Sultanlı, Mədinə Curuqova (hamısı “Sabah”), Firuzə Bayramova (“Dinamo Balakən”), Pərişan Abdullayeva (“Baku Juniors” İdman Klubu), Məsumə Nəzərli (“Neftçi”), Ləman Əliyeva (UGİM Naftalan), Səma Əsədova, Aida Oskina (“Gömrükçü”).

Milli komandanın 2-8 oktyabr tarixlərində Xorvatiyada təşkil olunacaq seçmə mərhələ oyunlarının təqvimi də müəyyənləşib. Yığma ilk matçını Lüksemburqa qarşı keçirəcək.

2 oktyabr

17:30. Azərbaycan - Lüksemburq

Baş hakim: Eirini Pingiou (Yunanıstan)

Baş hakimin köməkçiləri: Vasiliya Tsiklitari (Yunanıstan), Maya Brozoviç (Xorvatiya)

Dördüncü hakim: Karla Şeqota (Xorvatiya)

Zaqreb. “NK Luçko” stadionu

5 oktyabr

14:00. Xorvatiya - Azərbaycan

Baş hakim: Yana Van Layer (Belçika)

Baş hakimin köməkçiləri: Melissa Leyar (Belçika), Ana Çibotaru (Moldova)

Dördüncü hakim: Yelena Qobjila (Moldova)

Karlovaç. “Branko Kaçloviç Çavlek”