DÜNYA
Avropa İttifaqı nəhəng şirkətlər üzərində nəzarəti sərtləşdirəcək
Bakı, 22 sentyabr, AZƏRTAC
Avropa Komissiyası “Google”, “Amazon”, “Facebook” və “Apple” kimi böyük rəqəmli şirkətlər üzərində nəzarəti gücləndirmək niyyətindədir. Bu haqda “Financial Times” qəzeti yazıb.
AZƏRTAC xarici saytlara istinadən xəbər verir ki, daxili bazar üzrə Avropa komissarı Tyerri Breton qəzetə belə deyib.
O bildirib ki, bazarda fəaliyyət göstərən böyük şirkətlərin üstün mövqeyi istifadəçilərin və ya daha kiçik rəqiblərin maraqlarını təhdid edərsə, Avropa Birliyi ölkələri həmin şirkətlərə müqavimət göstərmək səlahiyyəti ilə təmin ediləcək.
Onun sözlərinə görə, yeni nəzarət qaydaları hazırlanır. Təkliflər razılaşdırıldıqdan sonra onların Avropa Parlamenti və Avropa Şurası tərəfindən təsdiqlənməsi lazımdır. Belçikanın “Belga” agentliyinin məlumatına görə, qaydalar cari ilin sonunadək təqdim ediləcək. Həmin qaydalara, həmçinin dezinformasiya və şəxsi məlumatların qorunması ilə mübarizə tədbirləri də daxildir.
Bundan əvvəl Avropa orqanları bir sıra korporasiyalar barəsində araşdırma keçiriblər. Onlardan bəziləri cərimələnib.
MÜƏLLİFLƏ ƏLAQƏ
Bölmənin digər xəbərləri
- 07.05.2024 [20:46]
Küveyt Əmiri Türkiyədə rəsmi səfərdədir
- 07.05.2024 [20:08]
AİB Asiya ölkələrinin əhalisi haqqında hesabat hazırlayıb
- 07.05.2024 [19:15]
Şahzadə Harri Londona qayıdıb
- 07.05.2024 [16:47]
Güclü yağışlar Gürcüstanda ciddi problemlər yaradıb
- 07.05.2024 [16:29]
Olimpiya məşəli Fransa ərazisinə daxil olub
- 07.05.2024 [15:49]
Vyetnam fransız müstəmləkəçiliyinə son qoyan döyüşün 70 illiyini qeyd edir
- 07.05.2024 [15:19]