Avropa İttifaqı Suriyaya 2,5 milyard avro yardım etməyi öhdəsinə götürüb
Qahirə, 17 mart, AZƏRTAC
Avropa İttifaqının humanitar yardım və böhranların idarə edilməsi üzrə Komissiyası Suriyaya qarşı sanksiyaların mərhələli şəkildə yumşaldılmasına qərar verdiyini açıqlayıb.
AZƏRTAC ərəb mediasına istinadla xəbər verir ki, Komissiya Suriyanın bərpasında iştirak etməyə hazır olduğunu bildirib. Eyni zamanda, Avropa Komissiyasının prezidenti Ursula Fon der Lyayen bu gün Brüsseldə keçirilən donorlar konfransında bildirib ki, suriyalılar ölkə xaricində olsalar və ya evlərinə qayıtsalar belə daha çox dəstəyə ehtiyac duyurlar. Buna görə də, bu gün Avropa İttifaqı Suriyada və bölgədə yaşayan suriyalılara dəstək öhdəliklərini 2025-ci və 2026-cı illər üçün təxminən 2,5 milyard avroya qaldırır.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
