Avropa İttifaqının üç əsas qurumu “iqlim qanunu” layihəsini razılaşdırıb
Praqa, 23 aprel, AZƏRTAC
Avropa İttifaqının üç əsas qurumu olan Avropa İttifaqı Şurası, Avropa Parlamenti və Avropa Komissiyası uzun və mürəkkəb danışıqlardan sonra Aİ-nin “iqlim qanunu” layihəsini razılaşdırıblar.
AZƏRTAC xəbər verir ki, bu qanun qüvvəyə mindikdən sonra Avropa İttifaqı yeni qaydalar nəzərə alınmaqla iqtisadi siyasət yürütməlidir. Elektrik enerjisi və istilik istehsalı, elektromobillərin istehsalı və istifadəsi, aviasiya, eləcə də ekoloji cəhətdən təhlükəsiz tikinti və kənd təsərrüfatı tikililəri minimum CO2 tullantıları və iqlim qanunu çərçivəsində yerinə yetirilməlidir.
Yeni qanuna əsasən Avropa İttifaqı 2050-ci ilədək iqlim cəhətdən neytral olmalıdır. Bu, İttifaqa üzv olan ayrı-ayrı dövlətlərə deyil, bütövlükdə bütün Aİ-yə aiddir.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
