Avropada ilk dəfə iki qan xəstəsi qadına gen terapiyası tətbiq edilib
Roma, 10 iyun, AZƏRTAC
İtaliya və Avropada ilk dəfə olaraq iki qan xəstəsi qadına gen terapiyası tətbiq edilib.
AZƏRTAC xəbər verir ki, Milan şəhərinin cənubunda Paviadakı San Matteo Poliklinikasında müalicə olunan 20 yaşlı qadınlar nadir irsi qan xəstəlikləri üçün qabaqcıl gen terapiyası alıblar. Müvafiq olaraq β-talassemiya əsas və ağır oraq hüceyrəli anemiyadan təsirlənən iki xəstəyə Avropada ilk dəfə klinik sınaqlardan kənar qabaqcıl gen terapiyası olan “Casgevy” tətbiq edilib.
İnnovativ müalicə hemoqlobinopatiyaların, ciddi və əlillik yaradan genetik xəstəliklərin müalicəsində dönüş nöqtəsi hesab olunur. Yeni “Casgevy” terapiyası otoloji hematopoetik kök hüceyrələrin “ex vivo” genetik redaktəsi innovativ yanaşması ilə işləyərək dölün hemoqlobinin istehsalını yenidən aktivləşdirir və genetik qüsuru kompensasiya edir.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
