AZARKEŞLƏR MƏNİM ƏN YAXŞI OYUNUMU HƏLƏ GÖRMƏYİBLƏR
AZƏRTAC xarici KİV-lərə istinadla xəbər verir ki, “Nyukasl”ın oyunçusu Əmrə çətin mövsüm keçirməsinə baxmayaraq, komandanı tərk etməyəcəkdir. Bu yaxınlarda belə bir məlumat yayılmışdı ki, türkiyəli futbolçu ilə “Qalatasaray” və “Bavariya” klubları maraqlanır, lakin Türkiyə yığmasının oyunçusu bu şayiələri təkzib etmişdir.
Futbolçu demişdir: “Mənim müqaviləm üç ildən sonra bitir və getmək istəyim də yoxdur. Mən burada oynamaq istəyirəm. Əvvəllər oyunum yaxşı təsir bağışlayırdı, lakin son vaxtlar bir qədər zəif oynayıram. Azarkeşlərim ən yaxşı oyunumu hələ görməyiblər və mən tezliklə bunu nümayiş etdirməyə hazırlaşıram”.
Bölmənin digər xəbərləri
