Brno alimləri işıq vasitəsilə minitor qişalarına “görməyi” öyrədiblər
Praqa, 5 oktyabr, AZƏRTAC
Brno alimləri kök hüceyrələrdən minitor qişalar yetişdirərək onların işıq vasitəsilə daha sürətli yetişməsinə nail olublar.
AZƏRTAC xəbər verir ki, Masarik Universitetinin alimləri işığın retinal orqanoidlərin inkişafına təsirini araşdırıblar. Bir neçə millimetr ölçüsündə olan bu strukturlar laboratoriyada kök hüceyrələrdən əldə edilir və göz xəstəliklərinin müalicəsinin yeni üsullarının öyrənilməsinə imkan yaradır. Tədqiqat zamanı mini tor qişalar, adətən, olduğu kimi qaranlıq şəraitdə deyil, işıqlandırılmış mühitdə yetişdirilib. Nəticədə onların insan gözünün təbii tor qişasına daha çox bənzədiyi müəyyənləşib.
Alimlərin bildirdiyinə görə, işıqla stimullaşdırılan orqanoidlər işığa daha yaxşı reaksiya verir və işıq siqnallarını elektrik impulslarına daha səmərəli çevirirlər. Tədqiqatın nəticələri gələcəkdə tor qişa xəstəliklərinin müalicəsində daha yetkin hüceyrələrdən istifadə edilməsinə, həmçinin zədələnmiş tor qişanın transplantasiyasına imkan yarada bilər. Araşdırma işığın yalnız fotoreseptorlar tərəfindən qəbul edilən stimul olmadığını, onların yetişməsinə də kömək etdiyini göstərib.
Bölmənin digər xəbərləri
