AZƏRBAYCAN ALİMİ BEYNƏLXALQ KONFRANSDAN QAYITMIŞDIR
Avropa Şurasına üzv olan ölkələrin nümayəndələrinin iştirak etdiyi konfransda ölkəmizi Azərbaycan Dillər Universitetinin ingilis dilinin leksikası və ölkəşünaslıq kafedrasının müdiri, dosent Məsməxanım Qazıyeva təmsil etmişdir.
M.Qazıyeva AZƏRTAC-ın müxbirinə demişdir ki, həm Avropanın keçmiş sosialist ölkələri, həm də keçmiş sovet ittifaqının tərkibində olan respublikalar 1988-1989-cu illərdə dərin ictimai-siyasi böhran içərisində olmuş və bunun nəticəsində bir sıra problemlər yaranmışdır. Azərbaycanın ən ağrılı problemi olan Ermənistan-Azərbaycan, Dağlıq Qarabağ münaqişəsi də məhz həmin dövrün məhsuludur.
Alim qədim Azərbaycan torpağı olan Dağlıq Qarabağın tarixi, ermənilərin bu əraziyə yalnız 1828-ci ildən sonra gəldikləri barədə tutarlı sübut və dəlillərlə konfrans iştirakçılarına məlumat vermişdir, yerli əhali ilə görüşlər keçirərək onları xalqımızın tarixi, mədəniyyəti və adət-ənənələri ilə tanış etmişdir.
Bölmənin digər xəbərləri
