AZƏRBAYCAN-BELARUS İQTİSADİYYATI BİR-BİRİNİ ÇOX UĞURLA TAMAMLAYA BİLƏR

22.10.2006 [07:59]
Çap et
A⁺ A^-

AZƏRTAC xəbər verir ki, bu fikri Prezident İlham Əliyev Belarus Respublikasının Prezidenti Aleksandr Lukaşenko ilə görüşdə bildirmişdir. O demişdir ki, bu gün bütün istiqamətlərdə əməkdaşlığı gücləndirmək üçün çox yaxşı zəmin, qarşılıqlı istək, praktiki baxımdan artıq müəyyən niyyətlər var. İki il əvvəl yaradılan hökumətlərarası komissiya fəal işləyir, müxtəlif nazirliklər və idarələr, istehsal müəssisələri səviyyəsində əlaqələr də fəaldır. İqtisadi sahədə, Belarusda istehsal edilən malların alınması sahəsində fəal əməkdaşlığımızın necə başlanmasından çox məmnunuq. Məhz bu qarşılıqlı etimad və tam qarşılıqlı anlaşma gələcəkdə münasibətlərimizin uğurlu inkişafını bəri başdan müəyyənləşdirir.

Belarusda istehsal edilən məhsullara Azərbaycanda tələbat olduğunu söyləyən İlham Əliyev vurğulamışdır ki, ölkəmizdə istehsal edilən məhsullar da Belarus üçün maraq doğurur. Ona görə də energetika, neft-qaz, kənd təsərrüfatı, müdafiə üzrə müştərək müəssisələr, sənaye müəssisələrinin yaradılması sahəsində əməkdaşlıq çox praktiki əhəmiyyətə malikdir. Fəal iqtisadi əməkdaşlığımızın son dövrü göstərir ki, qərarlarımız dərhal həyata keçirilir. Düşünürəm ki, bu, ölkələrimiz arasında həqiqi tərəfdaşlıq münasibətlərinin necə qurulmalı olduğuna çox yaxşı nümunədir.

AZƏRBAYCAN-BELARUS İQTİSADİYYATI BİR-BİRİNİ ÇOX UĞURLA TAMAMLAYA BİLƏR

MÜƏLLİFLƏ ƏLAQƏ

Bölmənin digər xəbərləri