AZƏRBAYCAN CÜDOÇULARI BEYNƏLXALQ TURNİRDƏ YÜKSƏK NƏTİCƏLƏR ƏLDƏ ETMİŞLƏR
Tbilisidə keçirilən kişilər arasında cüdo üzrə “A” kateqoriyalı beynəlxalq turnirdə Azərbaycan idmançıları yüksək nəticələr əldə etmişlər.
Azərbaycan Cüdo Federasiyasından AZƏRTAC-a bildirmişlər ki, yarışlarda 17 ölkədən 200-ə yaxın idmançı mübarizə aparmışdır. Ənənəvi turnirdə çıxış edən 14 nəfərdən ibarət milli yığma komandamızın üzvləri Nicat Şıxəlizadə (60 kq) və Ramin Rasimov (66 kq) ikinci, Müseyib Cəfərov (73 kq) üçüncü, Araz Muxtarov (73 kq) və Fariz Ramizzadə (90 kq) beşinci yer tutmuşlar.
Cüdoçularımız yarışlardan sonra bir neçə gün qonşu ölkədə təlim-məşq toplanısı keçirəcəklər. Komanda fevralın 5-də Vətənə dönəcəkdir.
Bölmənin digər xəbərləri
