AZƏRBAYCAN CÜDOÇULARI SUPERKUBOKDA İKİ BÜRÜNC MEDALA SAHİB OLMUŞLAR
AZƏRTAC xəbər verir ki, Moskvada cüdo üzrə “A” kateqoriyalı dünya superkuboku başa çatmışdır. Avropa Cüdo İttifaqının (EJU) qərarına əsasən, bu turnir ildə üç dəfə olmaqla Hamburq, Paris və Moskvada keçirilir. 40-dan çox ölkənin idmançısının qatıldığı Moskva turnirində Azərbaycanı baş məşçqi Ağayar Axundzadənin rəhbərliyi ilə 12 cüdoçu təmsil etmişdir.
Komandamızın heyətində isə ən yaxşı nəticəni kişilər arasında Elnur Məmmədli (61 kq), qadınlar arasında isə Kifayət Qasımova (57 kq) göstərmişlər. Hər iki cüdoçu turnirin bürünc medalına layiq görülmüşdür.
Xatırladaq ki, Elnur Məmmədli bu yaxınlarda Niderlandda başa çatmış “A” kateqoriyalı beynəlxalq turnirdə də üçüncü yeri tutmuşdu.
Bölmənin digər xəbərləri
