“AZƏRBAYCAN ƏDƏBİ TƏNQİDİNİN YARADICILIQ PROBLEMLƏRİ” MÖVZUSUNDA SEMİNAR KEÇİRİLMİŞDİR
AZƏRTAC-ın müxbiri xəbər verir ki, universitetin “2003-2004-cü tədris ili seminarlar seriyası” çərçivəsində keçirilən tədbiri rektor, professor Erol Oral açaraq, təhsilimizin inkişafında xalqımızın ümummilli lideri, dünya şöhrətli siyasi xadim Heydər Əliyevin müstəsna xidmətlərindən, universitetdə qazanılmış nailiyyətlərdən, burada yaxın zamanlarda həyata keçiriləcək tədbirlərdən danışmışdır.
Baş nazirin müavini, filologiya elmləri doktoru, xalq yazıçısı Elçin Əfəndiyev məruzə ilə çıxış edərək Azərbaycan ədəbi tənqidinin inkişaf yolları və onun ənənələri barədə geniş məlumat vermişdir. Qeyd etmişdir ki, hər hansı bədii əsər haqqında ədəbi tənqid fərdi fikri deyil, ictimai rəyi əks etdirməlidir.
Ədəbi tənqidimizin ayrı-ayrı dövrlərdə müxtəlif səviyyələrdə olduğunu bildirən məruzəçi, həm də onun yaradıcılıq problemlərini diqqətə çatdırmışdır. O, ədəbi tənqidin köməyi ilə müasir ədəbiyyatımızın inkişaf edəcəyinə, yeni dəyərli ədəbi əsərlər yazılacağına inamını ifadə etmişdir.
Sonra professor E.Əfəndiyev seminar iştirakçılarını maraqlandıran suallara cavab vermişdir.
Bölmənin digər xəbərləri
