Azərbaycan futzal millisinin FIFA reytinqindəki mövqeyi bəlli olub
Bakı, 20 iyun, AZƏRTAC
FIFA ilk dəfə futzal üzrə milli komandaların reytinq cədvəlini açıqlayıb.
AZƏRTAC xəbər verir ki, aktivində 1139.38 xal olan Azərbaycan millisi 29-cu pillədə qərarlaşıb.
Siyahıya beşqat dünya çempionu Braziliya yığması başçılıq edir. Mundialın son qalibi Portuqaliya 2-ci, İspaniya isə 3-cü yerdədir.
Azərbaycan millisinin AÇ-2026-nın qrup mərhələsindəki rəqiblərindən Xorvatiya 16-cı, İsveç 83-cü, Yunanıstan isə 109-cu sıradadır.
Bölmənin digər xəbərləri
